महाराष्ट्र सरकारने मुख्यमंत्री तीर्थ दर्शन योजनेंतर्गत ६० वर्षांवरील ज्येष्ठ नागरिकांना मोफत तीर्थयात्रेची सुविधा उपलब्ध करून देण्याचे काम सुरू केले आहे. या योजनेचा लाभ घेण्यासाठी सरकारने देशभरातील ७३ आणि महाराष्ट्रात ६६ असे एकूण १३९ धार्मिक स्थळे निवडली आहेत.
गेल्या आठवड्यातच राज्य मंत्रिमंडळाने मुख्यमंत्री तीर्थ दर्शन योजनेला (Mukhyamantri Teerth Darshan Yojana Maharashtra) मंजुरी दिली. या योजनेची माहिती देणारा सरकारी ठराव (जीआर) प्रसिद्ध करण्यात आला. मुख्यमंत्री एकनाथ शिंदे यांनी विधानसभेत या योजनेची घोषणा केली होती.
मुख्यमंत्री तीर्थ दर्शन योजना माहिती
Mukhyamantri Teerth Darshan Yojana Maharashtra Full Marathi Information: ‘मुख्यमंत्री तीर्थ दर्शन योजने’ अंतर्गत ज्येष्ठ नागरिकांना मोफत तीर्थयात्रा उपलब्ध करून देण्याच्या प्रस्तावाला महाराष्ट्र मंत्रिमंडळाने मंजुरी दिली आहे.
या प्रस्तावानुसार २.५ लाख रुपयांपर्यंत वार्षिक उत्पन्न असलेले ६० वर्षांवरील नागरिक या योजनेचा लाभ घेऊ शकतात. तीर्थयात्रा योजनेंतर्गत प्रत्येक ज्येष्ठ नागरिकाला जास्तीत जास्त ३०,००० रुपयांचा लाभ (अनुदान) मिळेल. तसेच ७५ वर्षांपेक्षा जास्त वयाच्या अर्जदारांना जोडीदार किंवा सोबती येण्याची परवानगी आहे.
तीर्थक्षेत्रांमध्ये वैष्णोदेवी मंदिर, अमरनाथ लेणी, अमृतसरमधील सुवर्ण मंदिर, चार धाम यात्रा, अयोध्येतील राम मंदिर, द्वारकामधील सोमनाथ मंदिर आणि ओडिशातील जगन्नाथ पुरी या प्रमुख धार्मिक स्थळांचा समावेश आहे.
याशिवाय तामिळनाडू, केरळ आणि कर्नाटकातील धार्मिक स्थळे तसेच महत्त्वाच्या बौद्ध आणि जैन स्थळांचाही समावेश आहे. त्याचबरोबर मुंबई, महाराष्ट्रातील धार्मिक स्थळेही या यादीत आहेत.
यामध्ये सिद्धिविनायक मंदिर, चैत्यभूमी (बी.आर. आंबेडकरांशी संबंधित), आळंदी, पंढरपूर, जेजुरी, ओझर, सारखे धार्मिक स्थळे, माउंट मेरी चर्च आणि वांद्रे येथील सेंट अँड्र्यूज चर्च, याशिवाय नाशिकमधील जैन मंदिर आणि नागपुरातील दीक्षाभूमी इ. आणि अजून बऱ्याच स्थळांचा यात समावेश आहे.
या योजनेंतर्गत ज्येष्ठ नागरिकांना शासकीय खर्चाने तीर्थक्षेत्रांची यात्रा करून दिली जाणार आहे. ज्येष्ठ नागरिकांना यात्रेवर पाठवणे, भोजन, निवास इत्यादी सर्व खर्च सरकार करणार आहे.
राज्यातील अधिकाधिक वृद्ध नागरिकांना या योजनेचा लाभ मिळावा यासाठी सामाजिक न्याय विभागाचे आयुक्त नोडल अधिकारी म्हणून काम पाहतील.
मुख्यमंत्री तीर्थ दर्शन योजना उद्दिष्ट्ये
Mukhyamantri Teerth Darshan Yojana Objectives: सर्वसामान्य व गरीब कुटुंबातील अनेक नागरिकांना आर्थिक परिस्थिती नसल्यामुळे किंवा अपुऱ्या माहितीमुळे धार्मिक स्थळांना भेट देता येत नाही.
मुख्यमंत्री एकनाथ शिंदे यांनी ‘मुख्यमंत्री तीर्थ दर्शन योजने’च्या माध्यमातून राज्यातील ज्येष्ठ नागरिकांचे हे स्वप्न पूर्ण होणार आहे, अशी भावना मुख्यमंत्री एकनाथ शिंदे यांनी व्यक्त केली.
या योजनेसाठी ऑनलाईन पद्धतीने (Mukhyamantri teerth darshan yojana maharashtra apply) अर्ज करावा लागणार आहे.
मुख्यमंत्री तीर्थ दर्शन योजना पात्रता
Mukhyamantri Tirtha Darshan Yojana Eligibility:
१. महाराष्ट्र राज्याचा रहिवासी असणे आवश्यक आहे
२. वय ६० वर्षे किंवा त्यापेक्षा जास्त असावे
३. कुटुंबाचे आर्थिक उत्पन्न २.५० लाख रुपयांपेक्षा जास्त नसावे
मुख्यमंत्री तीर्थ दर्शन योजनेसाठी आवश्यक कागदपत्रे
Mukhyamantri Tirtha Darshan Yojana Necessary Documents:
१. आधार कार्ड/रेशन कार्ड
२. महाराष्ट्रातील वास्तव्याचे अधिवास प्रमाणपत्र
३. पासपोर्ट आकाराचे फोटो
४. योजनेच्या अटी व शर्तींचे पालन करण्याचे वचन
५. जवळच्या नातेवाईकाचा मोबाईल नंबर
६. वैद्यकीय प्रमाणपत्र
७. अपंगत्व प्रमाणपत्र
८. वय प्रमाणपत्र
मुख्यमंत्री तीर्थ दर्शन योजना अपात्रता
Mukhyamantri Tirtha Darshan Yojana Disqualification:
१. कुटुंबातील कोणताही सदस्य आयकरदाता असल्यास
२. ज्यांच्या कुटुंबातील सदस्य सरकारी कर्मचारी आहेत
३. निवृत्तीनंतर निवृत्ती वेतन घेणारे सदस्य या योजनेच्या लाभासाठी पात्र राहणार नाहीत.
४. सध्याचे किंवा माजी खासदार/आमदारांचे कुटुंब ज्यांचे कुटुंबातील सदस्य अध्यक्ष/उपाध्यक्ष/संचालक/बोर्ड/ कॉर्पोरेशन/ भारत सरकार किंवा राज्य सरकारचे उपक्रम सदस्य आहेत.
५. ज्यांच्याकडे चारचाकी वाहने आहेत (ट्रॅक्टर वगळता) त्यांच्या कुटुंबातील सदस्यांच्या नावावर नोंदणीकृत आहे.
हृदयाशी संबंधित श्वसनाचे आजार, कोरोना, थ्रोम्बोसिस, मानसिक आजार, संसर्गजन्य कुष्ठरोग, संसर्गजन्य रोग इत्यादींनी ग्रस्त प्रवासी जे प्रवासासाठी शारीरिक आणि मानसिकदृष्ट्या अयोग्य आहेत त्यांना वैद्यकीय कारणास्तव अनफिट घोषित केले जाईल.
मुख्यमंत्री तीर्थ दर्शन योजना १७ सदस्यीय समितीची स्थापना
Mukhyamantri Teerth Darshan Yojana Establishment of 17 member committee:
महाराष्ट्र मुख्यमंत्री तीर्थ दर्शन योजनेच्या संचालनासाठी, राज्याच्या ठिकाणी योजनेचे निरीक्षण आणि पुनरावलोकन करण्यासाठी १७ सदस्यांची समिती स्थापन करण्यात आली आहे. जो योजनेवर केवळ देखरेख ठेवणार नाही तर त्याचा आढावाही घेईल.
ज्यामध्ये जिल्हास्तरावरील सामाजिक न्याय विभागाच्या सहाय्यक आयुक्तांचा सदस्य सचिव म्हणून समावेश असेल. याशिवाय ७ सदस्यांचे पॅनल तयार करण्यात आले आहे.
मुख्यमंत्री तीर्थ दर्शन योजनेंतर्गत सामाजिक न्याय विभागाचे आयुक्त राज्यस्तरावर नोडल अधिकारी म्हणून काम करतील.
मुख्यमंत्री तीर्थ दर्शन योजना फायदे आणि वैशिष्ट्ये
Mukhyamantri Teerth Darshan Yojana Benefits and Features:
- मुख्यमंत्री तीर्थ दर्शन योजनेंतर्गत ६० वर्षांवरील ज्येष्ठ नागरिकांना भारतातील तीर्थक्षेत्रांना मोफत प्रवासाची सुविधा दिली जाईल.
- या योजनेंतर्गत प्रवासादरम्यान सर्व प्रवाशांना जेवण, नाश्ता, चहा-पाणी आणि थांबण्याची व्यवस्था सरकारकडून केली जाईल.
- या योजनेंतर्गत भारतातील कोणत्याही एका तीर्थक्षेत्राला मोफत प्रवासाची सुविधा दिली जाईल.
- या योजनेंतर्गत यात्रेला जाणारे सर्व ज्येष्ठ नागरिक यांना प्रवासादरम्यान संध्याकाळच्या वेळी भजन कार्यक्रम करता येईल. तसेच त्यांच्या सुरक्षेसाठी डॉक्टर कर्मचारीही त्यांच्यासोबत असतील.
- या योजनेत महिलांना २ वर्षांची सूट देण्यात आली आहे.
- एखाद्या ज्येष्ठ नागरिकाचे वय ६५ वर्षांहून अधिक असल्यास किंवा ६५% पेक्षा जास्त अपंग असल्यास, त्याची काळजी घेण्यासाठी तो सहाय्यक सोबत घेऊ शकतो.
मुख्यमंत्री तीर्थ दर्शन योजना महाराष्ट्र जी आर
Mukhyamantri Teerth Darshan Yojana Maharashtra GR: महाराष्ट्र राज्यातील सर्व धर्मियांमधील ६० वर्षे व त्यापेक्षा जास्त वयाच्या जेष्ठ नागरिकांना भारतातील तीर्थ क्षेत्रांना भेट देण्याची इच्छा पूर्ण करण्यासाठी मुख्यमंत्री तीर्थ दर्शन योजना सुरु करण्यात येत आहे. असा महाराष्ट्र शासनाने जी आर काढला आहे.
मुख्यमंत्री तीर्थ दर्शन योजना महाराष्ट्र जी आर PDF येथे पाहा: CM Tirtha Darshan Yojana Maharashtra GR
मुख्यमंत्री तीर्थ दर्शन योजना ऑनलाइन अर्जप्रक्रिया
या योजनेसाठी तुम्हाला ऑनलाइन अर्ज (Mukhyamantri tirth darshan yojana maharashtra online registration) करावा लागेल.
परंतु अद्याप यासाठी कुठलीही अधिकृत वेबसाईट उपलब्ध नाहीये. म्हणून तुम्ही या वेबसाईटला सबस्क्राईब करून पुन्हा पुन्हा भेट द्या म्हणजे तुम्हाला याविषयीची नवीन अपडेट्स, माहिती मिळेल.
राज्य शासनाने राज्यातील गरीब वंचित समाजाचे स्वप्न पूर्ण करण्यासाठी ही अतिशय चांगली योजना आणली आहे. त्यामुळे आपण सर्वानीच या योजनेचा लाभ घेतला पाहिजेल. तसेच या योजनेची खरोखरच ज्यांना गरज आहे, त्या आपल्या नातेवाईकांना ही पोस्ट नक्की शेअर करा.
धन्यवाद !
हे देखील वाचा :Ladli Behna Yojana in Maharashtra: मुख्यमंत्री माझी लाडकी बहीण योजना महाराष्ट्र महिलांना प्रतीमहिना मिळणार १५०० रुपये
